E-Ticarət (Elektron ticarət)

E-ticarət (Elektron ticarət) xidmətlərin alqı-satqısı, pul vəsaitlərinin və ya məlumatların internet üzərindən ötürülməsidir. Elektron ticarət (e-ticarət) və e-biznes terminləri tez-tez bir-birini əvəz edən mənada istifadə olunur. E-ticarət (elektron ticarət) sözünün ingilis dilindən tərcüməsidir, yəni virtual ticarət ifadəsinin internet üzərindən edilən hər cür əməliyyatları əhatə edən ümumi bir termindir. Elektron ticarət anlayışına geyim kimi fiziki məhsulların satıldığı pərakəndə mağazaları və kibertəhlükəsizlikdən tutmuş otel rezervasiyasına qədər hər cür xidmətlərin satışı daxildir.

Müştərilər onlayn mağazalara daxil olmaq üçün öz cihazlarından vebsaytın müvafiq səhifələrinə daxil olurlar. Onlar həmin mağazaların təklif etdiyi məhsul və xidmətlərə baxa və sifariş verə bilərlər.Sifariş verildikdə, müştərinin veb-brauzeri e-ticarət vebsaytınının serveri ilə əlaqə saxlayır. Sifarişlə bağlı məlumatlar sifariş meneceri kimi tanınan mərkəzi kompüterə ötürülür. Daha sonra məlumatlar inventar səviyyələrini idarə edən verilənlər bazasına ötürülür.

Sifariş təsdiqləndikdən sonra sifariş meneceri mağazanın veb serverinə məlumat verir. Müştəriyə sifarişinin təsdiq edildiyini bildirən bir mesaj göstərilir. Sifariş meneceri daha sonra məhsul və ya xidmətin müştəriyə göndəriləcəyini bildirərək sifariş məlumatlarını anbara və ya icra şöbəsinə göndərir. Bu nöqtədə, maddi və rəqəmsal məhsullar müştəriyə göndərilir və ya bir xidmətə giriş verilir.

Elektron ticarət (E-ticarət) əməliyyatlarına ev sahibliyi edən platformalara Amazon kimi saytlar daxildir; Bundan əlavə, müştərilərə onlayn mağaza infrastrukturunu icarəyə götürməyə imkan verən SaaS proqram alətləri istifadə olunur.

E-ticarət biznesinə başlamaq üçün addımlar:

Elektron ticarət (E-ticarət) biznesinə başlamaq üçün ilk addımları atmaq istəyirsinizsə əvvəlcə nə satmaq istədiyinizi qərarlaşdırmalısınız.

Başlamaq üçün izləyə biləcəyiniz bəzi addımlar bunlardır:

• Müxtəlif ideyaları araşdırın

• Satmaq istədiyiniz məhsullara tələbatın olduğundan əmin olun

• Məhsulları müştərilərə necə satacağınızı və göndərəcəyinizi müəyyənləşdirin

• Təchizatçıları və istehsalçıları tapın.

• Hansı onlayn kanallar vasitəsilə satacağınızı seçin (məsələn, Amazon mağazası)

• E-ticarət vebsayt və ya onlayn mağaza yaradın, məhsulları yükləyin

• İcra strategiyanız üçün bir plan yaradın

• Promosyonlarla müştəriləri cəlb etməyə başlayın

Bazar dəyəri: 867,58 milyard dollar

Yerləşmə yeri: Amerika Birləşmiş Ştatları

Pərakəndə satış nəhəngi Amazon, təsirli bazar dəyəri ilə paketə liderlik edir. Onun gəliri illər ərzində ardıcıl olaraq artaraq 2023-cü ilin 1-ci rübündə başa çatan 12 aylıq dövrdə 524,9 milyard dollara çatıb.

Bazar dəyəri: 387,72 milyard dollar

Yerləşmə yeri: Amerika Birləşmiş Ştatları

Siyahıda ikinci yeri ABŞ-da yerləşən Walmart şirkəti tutur. Bazar dəyəri Amazon-un yarısından az olsa da, hələ də e-ticarət sənayesində əhəmiyyətli bir oyunçudur.

Bazar dəyəri: 324,85 milyard dollar

Yerləşmə yeri: Amerika Birləşmiş Ştatları

Üçüncü yeri başqa bir Amerika şirkəti olan The Home Depot təmin edir. O, pərakəndə satış sektorunda əsas oyunçudur və əhəmiyyətli bazar dəyərinə malikdir.

Bazar dəyəri: 226,76 milyard dollar

Yerləşmə yeri: ÇinDördüncü yeri Cek Ma tərəfindən qurulan Çin elektron ticarət nəhəngi Alibaba tutur. Şirkət sürətli böyüməyə malikdir və 2018-ci ildən 2022-ci ilə qədər xalis gəlirini üç dəfə artırmışdır.

Bazar dəyəri: 206,31 milyard dollar

Yerləşmə yeri: Hindistan

Hindistanın Mumbay şəhərində yerləşən Reliance Industries konqlomerat qlobal miqyasda beşinci ən böyük onlayn pərakəndə satış şirkətidir. O, e-ticarət sektorunda əhəmiyyətli dəyərə malikdir.

Bazar dəyəri: 206,01 milyard dollar

Yerləşmə yeri: Hollandiya

Siyahıda altıncı yerdə Hollandiyanın Prosus şirkəti qərarlaşıb. O, müxtəlif sektorlarda, o cümlədən e-ticarətdə fəaliyyət göstərir və güclü bazar strategiyasına malikdir.

Bazar dəyəri: 205,34 milyard dollar

Yerləşmə yeri: Amerika Birləşmiş Ştatları

ABŞ-da yerləşən Costco Wholesale Corporation yeddinci yeri təmin edir. Üzvlük əsaslı pərakəndə satış modeli ilə tanınır və əhəmiyyətli bir bazar dəyərinə nail olmuşdur.

Bazar dəyəri: 145,31 milyard dollar

Yerləşmə yeri: Çin

Çin firması Meituan Dianping səkkizinci yerdədir. O, e-ticarət platforması vasitəsilə müxtəlif xidmətlər, o cümlədən yeməklərin çatdırılması və otel sifarişləri təklif etməkdə ixtisaslaşmışdır.

Bazar dəyəri: 106,25 milyard dollar

Yerləşmə yeri: Çin

Doqquzuncu yeri başqa bir Çin şirkəti olan Pinduoduo tutur. Qrup alış modeli və sərfəli məhsulları ilə populyarlıq qazanmışdır.

Bazar dəyəri: 88,36 milyard dollar

Yerləşmə yeri: Çin

Çinin elektron ticarət nəhəngi JD siyahını yekunlaşdırır. O, logistik imkanları və geniş çeşidli məhsulları ilə tanınır.

5 ən yaxşı e-ticarət (elektron ticarət) veb sayt qurucu proqramlar hansılardır?

İlk sırada Shopify var:

Tez və asan işləmək üçün Shopify öz rəqibləri arasından seçilir və üstünlük verilən bir qurucu proqramdır.

Shopify üstünlükləri: Quraşdırmaq asandır və sizə lazım olan bütün alətləri təklif edir. Populyar və effektivdir, buna görə də dəstək və resurslar sinifdə ən yaxşısıdır

Shopify mənfi cəhətləri: Xüsusilə, çoxlu əlavə proqramlar əlavə etsəniz daha artıq büdcə xərcləməlisiniz.

Shopify 17 ildən artıqdır ki, milyonlarla mağaza ilə fəaliyyət göstərir və onlayn mağazanı tez bir zamanda işə salmaq istəyən əksər kiçik bizneslər üçün ondan daha yaxşı seçim tapmaq çətindir.

Əvvəllər heç vaxt veb sayt yaratmamısınızsa belə, Shopify-ın veb proqramında istifadə çətinliyi deyə bir ehtimalınız yoxdur. Hər şey aydın şəkildə etiketlənib və quraşdırma təlimatı hərtərəflidir. Mağazanızın dizaynı, məhsul əlavə etmək, endirimlər yaratmaq, ödəniş seçimlərini konfiqurasiya etmək və satış nömrələrinizi yoxlamaq kimi əməliyyatlar sadədir və əsasən olduqca bəsit izah mexanizminə sahibdir. Shopify-da 12 pulsuz mövzu, 150 dollardan başlayan isə 160 ödənişli mövzu vardır. Shopify çox populyardır və siz burada çoxlu sayda mövzu tapa bilərsiniz. Sadəcə apps.shopify.com saytına daxil ola və sizə lazım olan proqramı tapa bilərsiniz.

Əlbəttə ki, bir çox proqramlar kimi, Shopify da Magic adlandırdığı dərin inteqrasiya olunmuş AI xüsusiyyətlərini proqrama əlavə etmişdir. Məhsul təsvirləri və ya saytınız üçün mətn yaratmaq kimi bəzi funksiyalar bu vebsayt ilə daha əlçatandır.

İkinci sırada Square ən yaxşı proqramlar arasında yer tutur:

Square online istifadəsi asan, sərfəli elektron ticarət veb sayt qurucusudur. Square online-ın satış xüsusiyyətlərindən və müştəri dəstəyindən böyük dəyər əldə etmək mümkümdür, lakin onun dizayn çevikliyi bir az məhduddur.

2018-ci ildə, Square, ən yüksək reytinqli veb sayt qurucularından biri olan Weebly-i satın almışdır. Ödənişlər dünyasını fəth edən Square, indi e-ticarət mağazalarının qurulması üçün lazım olan hər şeyə sahibdir. Bu sayt bir çox xüsusiyyətlərinə görə Weebly-ə çox bənzəyir. Bununla belə, o, bəzi yeni xüsusiyyətlərə, həmçinin pulsuz e-ticarət planına malikdir.

Pulsuz planla başlamaq üçün Lightspeed tərəfindən Ecwid 3-cü sırada gəlir və geniş istifadəçi auditoriyasına malikdir.

Ecwid üstünlükləri:

Əsas üstünlükləri istifadə etmənin rahatlığı və kiçik bizneslər üçün yetəri qədər xüsusiyyətə və funksiyaya malik olmasıdır, beləliklə, sayt üçün çoxu ehtiyacın bu bir sayt vasitəsi ilə qarşılanması mümükdür. Bəzi xüsusiyyətlərinə görə Shopify kimi uğurlu tətbiq edilməsə də açdığınız online mağaza ilə ilkin xərclərinizi minimuma endirmək istəyirsinizsə, Ecwid ilə başlamaq ən yaxşı seçimdir. Qeydiyyatdan keçdiyiniz zaman Ecwid sizə mağazanızı mövcud veb saytınızla inteqrasiya etmək imkanı verir – Belə ki, proqram WordPress, Weebly, Drupal və bu kimi platformaların əksəriyyətini dəstəkləyir.

Növbəti sistemlərdən biri də BigCommerce-dir.

BigCommerce Saas modelidir, yəni mərkəzləşdirilmiş, abunə əsaslı sistemdir. Şirkət 2009-cu ildə Ostində yaradılıb və 600-dən çox işçisi var. Ən yaxın rəqibi Shopify ilə bır çox oxşarlıqları olsa da, iki şirkətin təqdim etdiyi xidmətlər və arasında xeyli fərqlər vardır.

100-dən çox müasir mövzuya sahib olan və yüzlərlə plaginlə sektorlar əsasında uğurlu iş görən BigCommerce, istifadəçilərinə e-ticarətdə çox funksiyalı proqram dəstəyi verməyə çalışır. Bu arada, ən son yeni bir xüsusiyyəti ilə, idarə panelindən canlı olaraq veb saytın mövzusuna müdaxilə etmək və inkişaf etdirmək mümkündür. Bütün bunlarla birlikdə mövzular avtomatik olaraq mobil və planşet uyğunluğunu təmin edir.

Dünyaca Kodak, Toyota və onlarla qlobal şirkətin seçimi olan BigCommerce istifadəçilərinə müstəsna hərəkət və istifadə sistemini aktiv edir. Böyük e-ticarət nəhənglərinin də Big Commerce-ə üstünlük verməsi proqram təminatının və funksiyasının, hətta dəstəyinin nə qədər möhkəm olmağa çalışıldığının sübutudur.

Növbəti platforma nəhənglərindən biri də Magento commerce-dir.

Bu platforma İT fərdiləşdirilmiş ticarət təcrübələrini asanlıqla, tez, təhlükəsiz, işə sala bilən həll yolu təqdim edən platformadır, o cümlədən:

Açıq exosistemə əsaslanan və B2C-dən B2B-yə qədər uzanan Magento commerce istənilən alış-veriş təcrübəsi yaratmaq üçün rəqəmsal ticarətdən alətlərindən, sifarişlərin idarə edilməsində və proqnozlaşdırıcı süni intellektdən istifadə edir. Magento commerce inteqrasiyamız sayəsində sürətli və asan sifariş idarəetmə prosesindən faydalanmaq mümkündür.

E-ticarət SEO axtarış motorunun SERP nəticələrində daha üst pillələrində görünməsini təmin edən, mağazanıza daha çox trafik cəlb etmək üçün istifadə edilən marketinq texnikasıdır. Yaxşı reytinqli səhifə daha çox trafik alacaq, buna görə də səhifənizin mümkün qədər üst sıralarda yer tutmasına nail olmalısınız.

Klik başına ödəniş etməklə veb mağazanıza trafik cəlb edən ödənişli reklamlardan fərqli olaraq SEO sizə praktiki olaraq heç bir xərc çəkmədən yüksək uyğun trafik əldə etməyə imkan verir. Google, Bing və Yahoo kimi axtarış sistemləri veb mağazanızı SEO əsasında sıralayır. SEO-nu təkmilləşdirmək üçün veb mağazanızdakı məzmuna diqqət yetirilməlidir. Hərtərəfli veb mağaza məhsul səhifələri, optimallaşdırılmış məhsul təsvirləri, bloq tətbiq etməklə və ya veb saytınızın texniki auditini həyata keçirməklə e-ticarət SEO-nu daha da təkmilləşdirmək mümkündür.

Aşağıdakı maddələrdə E-ticarət saytına təsir edən əsas amillər sırlanmışdır:

• Səhifələrinizin ən üst sıralarda yer alması üçün istifadə etdiyiniz açar sözlər

• Veb saytınızın texniki tərəfdən təşkil olunması

• Veb saytınızın mobil istifadəyə uyğun olub-olmaması

• Daxili bağlantıları ( e-ticarət vebsaytınızın daxilindən) və xarici bağlantıları (digər mənbələrdən) saytınıza gələn bağlantılar.

Bunların hamısı E-ticarət SEO-nuza və veb səhifələrinizin Google axtarış matorlarında yer alıb-almayacağına təsir göstərir.

Bloqlar e-ticarət saytınızın SEO reytinqini artırır, həmçinin istifadəçi təcrübəsinə müsbət təsir götərir SEO reytinqinə təsir edən 200 ə yaxın element vardır. Bloq yazıları da bu baxımdan olduqca vacib faktordur. Açar söz optimallaşdırması ilə də daha yaxşı reytinqlərə nail ola bilərsiniz. Bundan əlavə sayt strukturunuzu daxili keçidlərlə gücləndirə və müntəzəm olaraq yeni məzmun əlavə etməklə axtarış sistemlərinin “diqqətini” cəlb edirsiniz.

Bloq yazıları üzvi və sosial media trafikini artırır, brendinizin təcrübəsini və etibarlılığına da təsir edir. Bloqlar istifadəçiləri məlumatlandırır, tez-tez verilən suallara cavab verir və dönüşümləri artıran CTA-ları da müstəsna dərəcədə müsbətə doğru dəyişir.

Müntəzəm olaraq yenilənən bloqlar “brendin səsini” istifadəçilərə eşitdirir. E-poçt xəbər bülletenlərində paylaşıla bilər və yeni məhsul təqdimatı vasitəsilə satışları artırır. Yaxşı yazılmış bloglar uzun müddətli trafiki cəlb edir və köhnə yazıları yeniləyərək məzmunu aktual saxlayır, bu da SEO-ya olduqca müsbət təsir göstərir.

Əvvəlcə "Açar söz" terminindən xəbərdar olmalısınız. Açar sözlər istifadəçilərin nəyisə axtarmaq üçün istifadə etdikləri söz və ya ifadələrdır, həmçinin "Axtarış Sorğuları" kimi tanınır. Hər hansı bir axtarış edildikdə, axtarış sistemi nəticələri istifadəçilərə göstərməyə qərar verir. Hamımız bilirik ki, axtarış sisteminin əsas prioriteti istifadəçilərinə ən yaxşı nəticələri göstərməkdir. Bunun üçün axtarış motorları vaxtaşırı öz alqoritmlərini yeniləyirlər ki, hər bir axtarış sorğusu üçün müvafiq nəticələri müəyyən edə bilsinlər. Buna görə açar sözləri diqqətlə seçmək çox vacibdir.

İstifadəçi nəyisə axtardıqda, axtarış sistemi axtarılan açar sözü ehtiva edən veb səhifələri tapmaq üçün öz verilənlər bazasında ən yaxşı nəticəni tapır və onu istifadəçiyə göstərir.

Veb saytınızın səhifələrində düzgün açar sözlərdən istifadə müvafiq axtarış şərtləri üçün Axtarış Motoru Nəticələri Səhifəsində (SERP) yüksək yer tutmaq üçün çox vacibdir. SERP-də yüksək yer tutmaq saytınıza gələn trafiki artıra bilər. E-ticarət SEO üçün açar söz araşdırması aparmazdan əvvəl axtarış həcmi, uzun quyruqlu açar sözlər və rəqabət kimi terminləri başa düşmək vacibdir.

• Hədəf auditoriyanızı tanıyın, yəni nə axtardıqlarını araşdırın.

• Ən yaxşı və uyğun açar sözləri tapmaq üçün açar söz alətlərindən istifadə edin.

• Axtarış edənləri daimi istifadəçilərə çevirəcək açar sözləri seçin.

• Sahib olduğunuz hər bir kateqoriya üçün ən az 3-4 açar sözü listənizə daxil edin.

• Aşağı rəqabət və yüksək axtarış həcmi olan açar sözləri seçməyə çalışın.

Açar söz araşdırması etmək üçün hər hansı bir e-ticarət saytına daxil olaraq orada axtarış sisteminə əlaqəli açar sözü yaza bilərik, bu zaman bizə təklif olunan sözlər istifadəçilərin ən çox axtardıqları açar sözlərdir. Məsələn Trendyol saytına daxil olduqdan sonra “qadın ayaqqabısı” yazdığımızda qarşımıza digər müvafiq açar sözləri çıxacaqdır.

Google ən uyğun e-ticarət SEO (elektron ticarət SEO) açar sözləri tapmaqda sizə kömək edəcək "Google Suggest" kimi tanınan tool bu yöndə üstün xüsusiyyətlərə malikdir. Bunun necə işlədiyini nümunə əsasında göstərək:

• Tutaq ki, siz Google suggest-də “qadın çantası” açar sözünü axtarırsınız. Axtarış sorğunuzu yazdıqdan sonra Google sizə insanların axtarış üçün istifadə etdiyi bəzi açar sözləri göstərəcək.

Bu, nişiniz üçün həqiqətən yaxşı işləyəcək açar sözləri tapmaq üçün ən asan yoldur. İndi bunu necə edə biləcəyinizi qeyd edək:

• Addım 1: Google axtarış hissəsinə gedin və hədəf açar sözlərinizi axtarın.

• Addım 2: SERP-də çıxan vebsaytları hansı ki, oxşar məhsullar satırlar həmin vebsaytları filtirləməlisiniz( uyğu versiyanı tapmaq üçün)

• Addım 3: SEMrush və ya Ahrefs-ə daxil olun, rəqibin veb saytının URL-ni daxil edin və onların e-ticarət SEO (elektron ticarət)üçün sıralandıqları açar sözlər siyahısını yoxlayın.

Birincisi, sıfırdan başlayın və potensial müştərilərin istifadə edə biləcəyi müvafiq açar sözlərin siyahısını toplayın. İkincisi, rəqiblərinizin açar sözlərini təhlil edib, yeni fikirlər əldə edin və onların bu mövzuda “uğurlarından” istifadə edin.

• Bu yanaşmaları birləşdirərək, düzgün auditoriyanı cəlb etmək və onları müştərilərə çevirmək şansınızı artırmış olursunuz. veb saytınızı və məzmununuzu optimallaşdıra bilərsiniz.

• Axtarış məqsədi bu günkü axtarış nəticələri üçün olduqca vacibdir. Google-un köhnə alqoritması keywordlərin yerləşmə yerinə önəm verirdi. Hazırda isə yeni başlayanlar üçün uzun quyruqlu açar sözlərin istifadəsi olduqca vacibdir.

Uzun quyruq açar sözlər: Bunlar üç və ya daha çox sözdən ibarət açar sözlərdir. Xüsusi məhsul və ya xidmət axtarışları hədəfləndiyində bu növ açar sözlərdən daha yaxşı dönüşümlər almaq olur.

Axtarış həcmi: Açar sözün hər ay aldığı axtarışların sayına aiddir. Daha çox potensial trafik və dönüşüm cəlb etmək üçün daha yüksək axtarış həcminə malik açar sözlərin hədəflənməsi tövsiyə olunur. Lakin sayt yeni yaradılmışsa, o zaman rəqabət faizinə də diqqət yetirmək lazımdır.

Rəqabət: Açar sözlərin rəqabətini nəzərə almaq vacibdir. Yüksək axtarış həcmi və aşağı rəqabətli açar sözləri hədəfləmək Elektron ticarət SEO (E-ticarət SEO) üçün idealdır. Ahrefs.com, Google Açar Söz Planlayıcısı (Keyword Planner), SEMrush və Ubersuggest kimi alətlər e-ticarət üçün effektiv açar söz araşdırması aparmaq üçün istifadə edilir.

Fiziki müəssisələr indi onlayn satış da daxil olmaqla çox kanallı satış strategiyalarını həyata keçirirlər.

Azaldılmış əməliyyat xərcləri: Elektron ticarət mağazaları, adətən, fiziki olaraq mövcud mağazalardan daha az xərclə yaradılır. Bununla da büdcəni azalda, kirayə və digər məhsullara( mebel və s) daha az ödəniş edə bilirsiniz.

24 saat onlayn və qlobal əlçatanlıq: Bir e-ticarət vebsaytı heç vaxt qapılarını müştərilərin üzünə bağlamır. Müştərilər məhsulları günün demək olar ki, istənilən vaxtında, dünyanın istənilən yerindən ala bilərlər. İş saatları və ya məsafə ilə məhdudlaşmayan vebsayt biznesinizdəki satışları eksponent olaraq artıracaqdır.

Sayta gələn traffik: Onlayn bazarda müştəri təcrübəsini artırmaq və rəqəmsal marketinq ilə istehlakçılara çatmaq üçün bir çox yol vardır. Sosial media və SEO kimi marketinq növləri xidmətləri aktiv şəkildə artırmaq istəyən və daha çox geri dönüş əldə etmək istəyən müştərilərlə əlaqə saxlamağa imkan verir.

URL strukturu E-ticarət (Elektron ticarət) saytlarının SEO-da mühüm rol oynayır. Bu yazıda biz axtarış motoru nəticələri səhifələrində (SERPs) görünürlüğünü və sıralamasını artırmaq üçün URL-lərin effektiv şəkildə strukturlaşdırılmasının incəliklərini araşdıracağıq.

E-ticarət SEO (Elektron Ticarət)-da rəqabət kəskindir, yaxşı optimallaşdırılmış URL strukturuna malik olmaq axtarış motoru reytinqlərində veb-saytın performansına əhəmiyyətli dərəcədə təsir göstərə bilər. URL quruluşunun əsaslarını başa düşmək, onlayn görünmələrini artırmaq məqsədi daşıyan e-ticarət müəssisələri üçün vacibdir.

URL həm istifadəçilərə, həm də axtarış motorlarına müəyyən səhifənin məzmunu və konteksti haqqında məlumat verən veb-səhifənin ünvanı kimi xidmət edir. Aydın, qısa URL nəinki istifadəçilərə saytda naviqasiya üçün kömək edir, həm də axtarış motorlarına səhifənin məzmununun aktuallığını və əhəmiyyətini anlamağa kömək edir.

URL təmsil etdiyi səhifənin məzmununu dəqiq əks etdirməlidir. Səhifənin mövzusu haqqında az məlumat verən ümumi URL-lərdən çəkinin. Bunun əvəzinə, müvafiq açar sözləri özündə birləşdirən və səhifənin məqsədini dəqiq çatdıran URL-lərə üstünlük verin.

Açar sözlər SEO-da mühüm rol oynayır və onların URL-ə daxil edilməsi müvafiq axtarış sorğuları üçün səhifənin görünməsini yaxşılaşdırmağa kömək edə bilər. Bununla belə, SEO-ya zərərli təsir göstərə biləcək açar sözlərin doldurulmasından və ya həddindən artıq optimallaşdırmadan qaçınaraq, açar sözlərdən təbii və az istifadə etmək vacibdir.

• Sözləri ayırmaq üçün tirelərdən istifadə edin

URL-ləri strukturlaşdırarkən, alt xətt (_) və ya boşluq əvəzinə sözləri ayırmaq üçün defis (-) işarələrindən istifadə edin. Defis axtarış motorları tərəfindən söz ayırıcıları kimi tanınır, alt xətt isə sözün bir hissəsi kimi şərh edilə bilər. Əlavə olaraq, URL-lərdə xüsusi simvollardan istifadə etməkdən çəkinin, çünki onlar oxunma problemlərinə səbəb ola və SEO-ya mənfi təsir göstərə bilər.

Sessiya identifikatorları və ya izləmə kodları kimi URL parametrləri dublikat məzmun problemləri yarada və URL strukturlarını çətinləşdirə bilər. Mümkün olduqda, URL-lərdə lazımsız parametrlərdən istifadə etməyin və istifadəçi təcrübəsi üçün SEO-ya üstünlük verən təmiz, qısa URL-lərə üstünlük verin.

Kateqoriya səhifələri e-ticarət saytlarında həlledici rol oynayır, məhsulları məntiqi qruplara ayırır və istifadəçilər üçün naviqasiyanı asanlaşdırır. Kateqoriya səhifəsinin URL-lərini strukturlaşdırarkən, onların qısa, təsviri olduğuna və kateqoriyanın məzmununu əks etdirdiyinə əmin olun.

Axtarış üç mərhələdə mövcuddur və bütün səhifələr hər mərhələdən keçmir:

Yoxlama(crawling): Google brauzerlər adlanan avtomatlaşdırılmış proqramlarla internetdə tapdığı səhifələrdən mətn, şəkillər və videoları endirir və hər səhifəyə baş çəkir.

İndeksləmə: Google səhifədəki mətni, şəkilləri və video faylları təhlil edir və məlumatları böyük verilənlər bazası olan Google indeksində saxlayır.

Axtarış nəticələrinə xidmət: İstifadəçi Google-da axtarış etdikdə, Google istifadəçinin sorğusuna uyğun olan məlumatları qaytarır.

Birinci mərhələ internetdə hansı səhifələrin mövcud olduğunu öyrənmək üçündür. Bütün veb səhifələrin mərkəzi reyestri yoxdur, ona görə də Google daim yeni və yenilənmiş səhifələr axtarmalı və onları məlum səhifələr siyahısına əlavə etməlidir. Bu proses "URL kəşfi" adlanır. Google-un artıq ziyarət etdiyi səhifələr tanınır, çünki Google məlum səhifədən yeni səhifəyə keçidi izlədikdə digər səhifələr də aşkarlanır: məsələn, kateqoriya səhifəsi kimi mərkəz səhifəsi yeni blog yazısına keçid verir. Google-un taraması üçün səhifələrin siyahısını (sayt xəritəsi) təqdim etdiyiniz zaman başqa səhifələr aşkar edilir.

Google bir səhifənin URL-sini aşkar etdikdən sonra orada nə olduğunu öyrənmək üçün səhifəyə baş çəkə bilər. İnternetdə milyardlarla səhifəni taramaq üçün çoxlu kompüterlərdən istifadə edirik. Göndərməni həyata keçirən proqram Google bot adlanır (həmçinin tarama, robot, bot və ya hörümçək kimi tanınır). Googlebot hansı saytları ziyarət edəcəyini, nə qədər tez-tez və hər bir saytdan neçə səhifənin götürüləcəyini müəyyən etmək üçün alqoritmik prosesdən istifadə edir. Bu bot elə proqramlaşdırılıb ki, saytı həddən artıq yükləməmək üçün səhifəni çox sürətlə baş çəkməməyə çalışır. Bu mexanizm saytın cavablarına əsaslanır (məsələn, HTTP 500 səhvləri "yavaşla" deməkdir).

Bununla belə, Google bot kəşf etdiyi bütün səhifələri crawling etmir. Bəzi səhifələrin sayt sahibi tərəfindən taramasına icazə verilə bilər, digər səhifələr isə sayta daxil olmaqla görüntülənə bilir.

Google-un sayta baxış keçirərkən crawling etməməsinin səbəbləri aşağıdakı kimidir:

• Saytı idarə edən serverlə bağlı problemlər

• Şəbəkə problemləri

• robots.txt qaydaları

Səhifə tarandıqdan sonra Google səhifənin nə haqqında olduğunu anlamağa çalışır. Bu mərhələ indekslənmə adlanır və ona mətn məzmununun və əsas məzmun teqlərinin və atributlarının, məsələn, <title> elementləri və alt atributlar, şəkillər, videolar və s. emalı və təhlili daxildir.

İndeksləmə prosesi zamanı Google bir səhifənin internetdəki başqa bir səhifənin dublikatı olub- olmadığını müəyyən edir. Kanonik, axtarış nəticələrində görünə bilən səhifədir. Saytımızda 2 fərqli lakin məzmunca eyni səhifələrin olması Google-a məzmunların kopya olması ilə bağlı siqnal göndərir. Buna görə də hər səhifədə əsas kanonik məzmunun hansı olması ilə bağlı url link yerləşdirilməlidir.

Kanonik səhifə və onun klasteri haqqında toplanmış məlumatlar minlərlə kompüterdə yerləşdirilən böyük verilənlər bazası olan Google indeksində saxlanıla bilər. İndeksləşdirməyə isə zəmanət verilmir, Google-un emal etdiyi hər səhifə indekslənməyəcək.

İndeksləmə həm də səhifənin məzmunundan və onun meta datasından asılıdır.

Əksər hallarda, təşkilatların təsnif oluna biləcəyi altı əsas E-ticarət (Elektron ticarət) biznes modeli var:

Hər bir e-ticarət növünə daha ətraflı nəzər salaq.

1. Biznesdən İstehlakçıya (B2C)

B2C onlayn biznesi biznes və müştəri arasında aparılan mübadilələri özündə birləşdirir. Bu, onlayn biznes mühitində ən çox istifadə edilən modellərdən biridir. Nümunə olaraq, onlayn parça pərakəndə satışından paltar satın aldığınız zaman bu, biznes-müştəri mübadiləsi olaraq adlandırılır.

2. Biznesdən Biznesə (B2B)

B2B onlayn biznesi təşkilatlar məsələn, istehsalçı və distribyutor və ya pərakəndə satıcı arasında bağlanan sövdələşmələrə əsaslanır. Bu cür e-ticarət alıcılara xidmət göstərmir və bu növ sövdələşmələr yalnız biznes təşkilatları arasında cərəyan edir. Müntəzəm olaraq, biznesdən biznesə sövdələşmələr müştərilərə təklif edilməzdən əvvəl məhsulun tam yaradılma fonu əsasında davam edir.

3. İstehlakçıdan İstehlakçıya (C2C)

Bəlkə də onlayn biznesin ən sürətli növü C2C onlayn biznes modelidir. Burada istehlakçıdan istehlakçıya, müştərilər arasında məhsul və ya xidmətlərin mübadiləsindən söhbət gedir. Bu, məsələn, eBay və ya Amazon-da olduğu kimi müştərini müştəriyə yönləndirən, məhsulları birbaşa satmağa imkan verən əlaqələrin məcmusudur.

4. İstehlakçıdan Biznesə (C2B)

C2B adi e-ticarət modeli kimi müasir dövrdə texnologiyanın inkişafı ilə dəstəklənir və inkişaf edir. C2B fərdi alıcıların öz məhsul və ya xidmətlərini biznes dilerləri üçün əlçatan etməsini nəzərdə tutur. Bunun bir halı kimi müxtəlif fotoqrafların şəkilləri alması üçün ( stock şəkillər) fotoşəkillərin onlayn olaraq əlçatan olduğu bir veb saytın nümunəsində göstərilə bilər. Fotoqraflar həmin şəkilləri öz bizneslərində istifadə edirlər və müxtəlif sənət nümunələrinin ərsəyə gəlməsinə nail olunmuş olur.

5. Biznesdən Xidmətə (B2A)

Bu model onlayn biznes və təşkilatlar arasında aparılan mübadilələri əhatə edir. Məsələ hökümətlər arası müxtəlif əməliyyatların tətbiqi, xəstəxanalarda müxtəlif tibbi alətlərin həmin müəssisə üçün təklif edilməsi və s.

6. İstehlakçıdan Xidmətə (C2A) Bu, bir təşkilata veb məhsul və ya xidmətlər təklif edən alıcıları nəzərdə tutur. C2A nümunələrinə vergilər (vergi bəyannamələrinin təqdim edilməsi), sağlamlıq (onlayn xidmətdən istifadə edərək görüş təyin etmək) və ali təhsil üçün təhsil haqqının ödənilməsi daxildir. Həm B2A, həm də C2A məlumat innovasiyasının köməyi ilə xidmət daxilində genişləndirilmiş bacarıq ətrafında cərəyan edir.

Sosial media e-ticarət marketinqi brend məlumatlılığı, məhsula, xidmətlərə maraq və satış yaratmaqla onlayn mağazanın tanıtılmasıdır.

• E-ticarət vebsayta trafikin təşviqi və idarə edilməsi

• Məhsulların birbaşa sosial şəbəkələrdə satışı

• Müştərilərlə və perspektivlərlə birbaşa sosial kanallarda əlaqə qurmaq

• Müştərilərə satışdan əvvəl və satış sonrası dəstəyin göstərilməsi

• Sənayeniz və bazarınız haqqında məlumatların toplanması

• Brendiniz ətrafında onlayn sosial media icması yaratmaq

Bir çox marka inkişaf edən sosial media e-ticarət marketinq strategiyası yaratmaq üçün yuxarıda göstərilən bütün taktikalardan istifadə edir.

Çox güman ki, sosial media e-ticarət marketinqi, sosial satış və sosial ticarət terminlərini eşitmisiniz. Onlar tez-tez bir-birini əvəz edir, lakin eyni mənanı kəsb etmirlər.

Onların necə fərqli olduğuna nəzər salaq.

Sosial media e-ticarət (elektron ticarət) marketinqi

Bu, e-ticarət müəssisələrinin daha çox satış və müştərilərlə əlaqə yaratmaq üçün öz markasını, məhsulunu və ya xidmətlərini tanıtmaq üçün sosial mediadan marketinq kanalı kimi istifadə olunmasıdır.

Bu, markaların satış perspektivlərini müəyyən etmək, onlarla əlaqə qurmaq və inkişaf etdirmək üçün sosial mediadan istifadədir. Bu, bizneslərə sosial media vasitəsilə satış hədəflərinə çatmağa kömək edən bir taktikadır.

Sosial satışı müasir əlaqələr qurmaq kimi düşünün. Məqsəd potensial müştərilərlə əlaqə yaratmaq, dəstək və rəhbərlik təklif etməkdir. Sonra həmin şəxs məhsulu almaq istdikdə qərarını sizin məhsul və ya xidmətiniz üzərində cəmləyir. Bir növ sosial bacarıqların rol oynadığı, psixoloji məqamlar ön plana çıxır.

Bu, brendlərin Facebook Shops, Instagram Shops, Pinterest Product Pins və ya TikTok Shop kimi platformalardan istifadə edərək birbaşa sosial mediada məhsul və ya xidmətləri satmasıdır.

Sosial ticarət müştərilərə sosial media proqramlarından çıxmadan alış-veriş etmək, seçmək və satınalmaları tamamlamaq imkanı verir.